Tindlela to tisirhelela ematini
Switsundzuxo swa nhlayiseko eka varhandzi va mati
U NGA VI UN?WANA WA NHLAYO YA LAVA HUMELELAKA HI TINGHOZI TA NKARHI WA TIHOLIDEYI!
Eka nkarhi lowu wa tiholideyi, Va Mintirho ya Vuphorisa bya Afrika-Dzonga va rhandza ku nyika switsundzuxo swa nkoka eka varhandzi va mati.
SWITSUNDZUXO SWA KONA HI LESWI LANDZELAKA:
Vonisisa leswaku wena ni lava nga ekusuhi na wena mi kota ku hlambela leswaku mi nga n?weli.
Loko u ya khandziya swo fana ni swikepe swa sayizi yihi kumbe yihi, ni mintlango hinkwayo ya le matini, vonisisa leswaku u ambala jasi ro tisirhelela eka ku n?wela. Nchumu lowu wu ta ku pfuna leswaku u nga lahlekeriwi hi vutomi loko ko tshuka ku vile ni nghozi ni ku ku pfuna leswaku u nga n?weli kambe u papama ematini loko ko va ni nghozi.
Landzelela milawu hinkwayo leyi vekiweke ya matirhisele ya swifambo swa le matini hikuva milawu leyi yi endleriwe leswaku u kota ku hlayiseka.
Loko u ya ematini kumbe ekusuhi ni mati, u nga tshuki u tirhisile swidzidziharisi, swipyopyi kumbe mirhi hikuva leswi swi nga endla leswaku u nga koti ku endla swilo hi vukheta, u nga koti ku ehleketa kahle leswi nga vangaka leswaku u nga koti ku ponisa van?wana enghozini hambi ku ri wena n?winyi.
Tshama u lunghekile nkarhi hinkwawo loko ku ri ni vana kumbe vadyuhari ekusuhi na wena leswaku loko vo tshuka va werile ekhombyeni u ta kota ku va pfuna.
U nga yi eku hlambeleni loko ri nga xanga kahle, kumbe loko ri nga si xa kahle hambi loko se ri perile hikuva leswi swi nga endla leswaku loko u ri ekhombyeni swi nga voni hi munhu leswaku u lava ku pfuniwa.
U nga tshuki u hlambela u ri wexe, naswona endla swikoweto swa mavoko leswi vonakaka kahle loko u wela ekhombyeni.
U nga tshuki u hlambela laha ku nga pfumeleriwiki ku hlambela hikuva ku arisa loku va ku endlela ku pfuna wena leswaku u hlayiseka.
U nga pfuki u tibyerile leswaku wena swi nge pfuki swi ku humelerile kumbe swi nge pfuki swi humelerile xaka ra wena hikuva nghozi yi nga humelela mani na mani hambi vahlamberi lava nga ni ntokoto.
SWILETELO LESWI SWA NHLAYISEKO SWI TISIWA EKA N?WINA HI VA SAPS, SWIYENGE SWA NSIVELA-VUGEVENGA, VUPHORISA LEBYI TIVONAKARISAKA, MINTIRHO YA NSEKETELO HI KU SEKETELA MAGOZA LAMA TEKIWAKA HI MAPHORISA YO DAYIVHA(POLICE DIVERS) NA (VESSEL HANDLERS) HI NKARHI WA VUPHORISA BYA LE MATINI KU PFUNA KU SIRHELELA VAAKI. ?NHLAYISEKO WA N?WINA WA HI KHUMBHA SWINENE?.
TINDLELA TO SIRHELELEKA EKA KU TLHAKISIWA NO TEKERIWA MOVHA HI NKANI
TINDLELA TA NSIRHELELO: LOKO WO TSHUKA U LAVE KU TLHAKISIWA NO TEKERIWA MOVHA HI NKANI
SWITSUNDZUXO LESWI LANDZELAKA SWI ENDLERIWE KU PFUNA VANHU LAVA NGA TSHUKAKA VA TIKUMA VA RI EKA MHANGU YO TLHAKISIWA KUMBE KU TEKERIWA MOVHA HI NKANI. VANHU VO TALA LAVA VA TIKUMAKA VA RI EKA MHANGU YA MUXAKA LOWU VA KOTA KU PONA. LAHA KU VAKA NI KU LAHLEKERIWA HI VUTOMI KO TALA SWI VANGIWA HI SWIENDLO SWA MUNHU LA TLHAKISIWEKE KUMBE LA TEKERIWEKE MOVHA HI NKANI.
KU NI SWITSUNDZUXO SWO KARHI LESWI LOKO WO SWI LANDZELELA SWI NGA PONISAKA VUTOMI BYA WENA LOKO U RI EKA MHANGU YA MUXAKA LOWU. SWITSUNDZUXO SWA KONA HI LESWI LANDZELAKA:
TIVA LESWI U FANELEKE KU SWI LANGUTELA TANI HI MUKHOMIWA
Vanhu lava tlhakisiweke kumbe ku tekeriwa movha hi nkani va tala ku chuha swinene, ku hlamala ni ku hlangana nhloko.
Leswi va talaka ku swi endla ekusunguleni I ku lava ku lwa naswona leswi swi nga vanga nghozi swinene.
Tilulamiseli u va ekule nkarhi wo leha ni maxaka, vanghana ni varhandziwa va wena.
Swi nga endleka u nga ha swi voni ni leswaku nkarhi wu fambisa ku yini kumbe ku tiva ni ndhawu laha u nga kona.
TIVA LESWI U FANELEKE KU SWI LANGUTELA EKA MUTLHAKISI
Va nga va va chuhile, ni ku ka va nga tshunxekaka; ni
Ku va va vonaka onge va nga endla nchumu wo chavisa swinene.
LESWI U FANELEKE KU SWI ENDLA
Endla hinkwaswo leswi u lerisiwaka ku swi endla.
Ringeta hi tindlela hinkwato ku tikhoma.
Ringeta ku tihungasa emiehleketweni hi ku tlanga mintlangu emiehleketweni, ku lorha ni ku hlaya swin?wana ni swin?wana leswi u nga tshukaka u nyikiwile ku swi hlaya.
Ku ka u nga lahlekeriwi hi matimba, dyana swakudya leswi vatlhakisi va ku nyikaka swona.
Ringeta ku tikomba u tsakile.
Ringeta hi tindlela hinkwato ku ka u nga lahlekeriwi hi ku twisisa mafambele ya nkarhi ni ndhawu laha u nga kona kumbe u nga yisiwaka kona.
Loko swi koteka ringeta ku toloveta miri wa wena maendlele yo karhi siku rin?wana ni rin?wana ni ku tshama u tiyerile.
U nga tiarisi loko u yisiwa ko karhi.
Ringeta ku tikhoma hi tindlela hinkwato u nga kombeti ku chuha.
Pavalala u nga pfuki loko mhangu ya ha ri eku humeleleni.
LESWI U NGA FANELANGIKI KU SWI ENDLA
U nga kombi ku chuha ku tlula mpimo.
U nga pfuki u kombile ku tiarisa ko karhi.
U nga hlundzuki.
U nga holovi na vatlhakisi.
U nga ringeti ku tikombisa ku va nhenha.
U nga tirhisi tindzimi kumbe maerndlele mambe hikuva leswi swi nga endla leswaku vatlhakisi va va ni ku ku ehleketelela ko karhi.
U nga koxi nchumu.
U nga kombi ntwelo-vusiwana eka vatlhakisi eka leswi va swi endlaka.
U nga pfuki u ringetile ku baleka hikuva leswi swi nga va ni nghozi swinene.
SWILETELO LESWI MI TISERIWA SWONA HI VA KA SAPS, SWIYENGE SWA NSIVELA-VUGEVENGA, VUPHORISA LEBYI TIVONAKARISAKA KU RI HI KU SEKETELA MAGOZA LAMA TEKIWAKA HI MAPHORISA YO BURISANA NI VATLHAKISI HI KU RINGETA KU PFUNA VAAKI.
NHLAYISEKO WA N?WINA WA HI KHUMBHA SWINENE?
